Pilipino-2 Panitikan-Midterms

International Academy of Management and Economics Pilipino-2 Mid-term Examinations

Exam policy: open notes; but no consulting with classmates even about instructions.

Prof. Ed Aurelio C. Reyes

Name of Student :

I. OBJECTIVE 40% (in capital letters write the word TAMA or the word MALI before each sentence)

A. Pangkalahatan

_____1. Ang katagang “panitikan” ay nagmumula sa pantig o syllable

_____2. Sa subject nating Pilipino-2, ang ibig sabihin ng “panitikan” ay malinaw na mga pagpapaliwanag.

_____3. Ang pinakaimportante sa pagsusulat ng ganitong panitikan ay tiyaga at likot ng isip.

_____4. Dadalawa lang ang hakbang sa pagsusulat: (1) magsimulang magsulat; (2) tapusin/kumpletuhin.

_____5. Ang nararapat na isulat sa panitikan ay ang katotohanan, ang buong katotohanan, at pawang katotohanan lamang.

B. Panulaan

_____1. Mahalaga sa pagsusulat ng tula ang imahinasyon ng isip.

_____2. Makikilala mo agad ang isang tula sapagkat binubuo ito ng mga pangungusap at paragraphs.

_____3. Kung walang sukat at tugma, hindi tula.

_____4. Mahalagang mga sangkap ng tula kaysa sukat at tugma ay ang simbolo at damdamin nito.

_____5 Kailangang mahaba ang isang tunay na tula.

C. Prosa

_____1. Tinatawag na Maikling Kwento ang isang salaysay kapag kasya ito sa kakaunting pahina lamang.

_____2. Makikilala mo agad ang prosa sapagkat binubuo ito ng mga verses/taludtod at stanzas/saknong.

_____3. Kaysa ikwento mo lang, ipakita mo at iparinig mo; lagyan mo ng aksyon at dayalogo.

_____4. Sa pagsusulat ng prosa, una mong pagpasyahan nang pinál ang magandang pamagat o titulo.

_____5 Ang mga ninuno natin ay panay mga mangmang nang datnan ng mga Kastila;

walang marunong sumulat at bumasa.

D. Samut-Sari

_____1. Tiyak na malupit ang komentaryong ibibigay ng kapwa mong manunulat ukol sa isinulat mo.

_____2. Kung magiging mahusay kang manunulat, kailangang ipinanganak ka nang magaling na agad sa ganito.

_____3. Hindi kasali ang pag-eenjoy magsulat sa pag-aaral at pagsasanay na gumawa ng istoryang prosa.

_____4. Pinagsasabay ng isang magaling magsulat ang pagbubuo ng istorya at ang

polishing ng mga pangungusap

_____5. Ang bilis sa pagtapos ng isang akda, nang wala nang outlines at wala nang pag-uulit ay palatandaan ng isang magaling na manunulat.

II. ESSAY

60% Choose two of these questions. State your answer and explain it fully. Write each answer in five paragraphs. 30% for each question. (10 pts. for effort; 10 pts. for correctness of content; 10 pts. for depth)

1. Bakit kayang matuto at magpakahusay na magsulat ng panitikan ang sinumang may hilig sa ganito.

2. Bakit pati ang mga mag-aaral na magiging mga businessmen, managers at ekonomista ay tinuturuan ng tungkol sa panitikan?

3. Ano ang kahulugan ng “paglalaro ng mga salita” at bakit nagkakahilig sa ganito ang mga manunulat?

Student’s Signature (full name):

__________________________

Date: _____________________

Pilipino-2 Panitikan Module-2

Kahulugan ng Panulaan

Imput Article:

Umaawit na mga Simbulo o Damdamin

Ni Ed Aurelio C. Reyes

Pilipino-2 Panitikan Module 1

Kahulugan ng 'Panitikan'

Input article:

Ang Titik at ang Sining ng Panitikan

ni Ed Aurelio C. Reyes
.
..........Ang sibilisadong mga tao raw ay iyon lang mga marunong sumulat at bumasa, nakapaglalagay ng marka na makikita, at mababasa, ng iba, at kanya o kanilang mauunawa ang mensaheng siyang nilayong talaga. Mayroong mga naimamarka na sadyang may napagkaisahan at nakasanayang kahulugan na, tulad ng simbolo ng bungo at krus-na-buto, na kapag magkasama'y nangangahulugang "lason!" o "panganib sa buhay" at mayroon namang mga naimamarka na kumakatawan sa mga tunog at kapag "binasa" nang magkakasunod ay lilitaw sa pagkakasunud-sunod ng nga tunog-patinig (vowel sounds) at tunog-katinig (consonant sounds) ay "maririnig" sa sariling utak ng bumabasa ang isang buong pantig (syllable). Ang isang pantig o ang ilang magkakasunod na pantig ay bumubuo ng salita o kataga, na bawa't isa'y may taglay na kahulugan.
.
..........Wala pang maisusulat o maiintindihang kahulugan sa iisang titik lamang, pero may mabubuo sa kanilang pagkakasunud-sunod, mga titik na patinig at katinig sa isang pantig, at mga pantig sa isang salita. At mga salita nga sa isang pangungusap at mga pangungusap sa isang talata at mga talata sa isang sanaysay (essay) o talumpati (speech).
Sabi nga sa isang awit (Kailangan Kita), "Bakit ang awit... ay kailangan ang himig... na kailangan ang titik... na kailangan ang tinig...?"
.
..........May mga kolonyalistang Kastila na humusgang di raw sibilisado ang Pilipino bago nila tayo natuklasan at nasakop (at tinuruang magbasa at sumulat). Akala kasi nila, mga titik na Romano ang paraan ng pagsusulat sa buong mundo.
Ipagpatawad na lang natin ang kanilang kamangmangan sa bagay na ito. Ang mga ninuno po natin ay libu-libong taon nang gumagamit ng sarili nating sistema ng panulat bago napaligáw sa ating kapuluan sina Magellan at Pigafetta.
.
..........Dumating din naman ang panahong napatunayan nating mali sila at ipinakilala natin ang sistema ng panulat natin ("panulatin") na noong una'y binansagang "alibata" pero mali palang katawagan dahil hindi mga titik o letra ang bumubuong mga simbulo ng tunog, kundi buu-buo nang mga pantig (syllable symbols), at may tumatawag na ngang "Pantigan" sa sistemang ito (may tumatawag ring "Baybayin" o spelling at nagpapahiwatig ring mga titik ang pangbaybay...........
.
..........Ang simpleng kahulugan ng "Panitikan," samakatwid, ay nangangahulugan ng bugkos ng mga titik na mababasa at mapagkukunan ng impormasyon, gaya ng mga isinasama sa mga bote ng gamot at sa mga kasangkapan o makinang teknikal (para sa tamang paggamit). Ang importante lamang sa ganito ay ang linaw (clarity) at kawastuhan (accuracy) ng impormasyon.
May partikular namang kahulugan ang katagang "Panitikan" kung ang tinutukoy ay ang larangan ng gawain at pag-aaral. Ang kinuha ninyong subject na "Pilipino-2" ay "Panitikan" na tumutukoy sa sining ng pagpapahayag na nilalayong maunawaan nang malaliman dahil sa ginagamit ang epekto sa damdamin o nagpapaisip nang matindi sa makakabasa o makarinig.
.
..........Sa pamamagitan ng mga kataga ay inaabot ng mga panulat na pampanitikan (literary writings) ang puso at damdamin ng mga pinag-uukulan ng mga katagang ito o ang kailaliman ng kanilang pag-iisip. Ang husay sa pagsusulat na ganito ay isang tunay na talentong makasining, bagay na kailangan upang ang sinumang naghahangad na sumulat ng Panitikan ay magawa ito nang mahusay at matagumpay.
.
..........Ang pinakakaraniwang mga anyo ng mga panulat pampanitikan ay buhay na buhay na pagkukwento o kaya'y umaawit nang walang tono (tumutula). Sa pag-aaral ng Pilipino-3, ito ang gagawin ninyo.